Ministri spanjoll ironizon argjentinasit pas peticionit për përsëritjen e finales së Kupës së Botës

Argjentina ka nisur një fushatë në një platformë digjitale duke kërkuar një ri luajtje të finales së Kupës së Botës 2026 midis Argjentinës dhe Spanjës pas humbjes së ekipit të Amerikës së Jugut me rezultat 1-0.

Peticioni argjentinas ka mbledhur tashmë më shumë se 61,500 nënshkrime.

Ky peticion, i iniciuar nga tifozja argjentinase Gisela Sanchez, përqendrohet në veprimet e gjyqtarit slloven Slavko Vincic. Ajo i bën thirrje FIFA-s të rishikojë vendimet e marra gjatë ndeshjes, e cila u zhvillua më 19 korrik në New York.

Pas humbjes nga Spanja, argjentinasit kërkojnë përsëritjen e finales së Botërorit

Autorja e iniciativës pretendon se disa vendime të gjyqtarëve ndikuan në rrjedhën e ndeshjes dhe pretendon shkelje të mundshme. Ajo gjithashtu i kërkon organit drejtues të futbollit botëror të analizojë atë që ndodhi.

Megjithatë, Ministri i Transportit dhe Lëvizshmërisë së Qëndrueshme i Spanjës, Oscar Puente, u përgjigj me ironi rreth këtij peticioni.

Peticioni për përjashtimin e Argjentinës nga Kupa e Botës është nënshkruar nga 23 milionë njerëz

"Ata duan edhe 120 minuta për të parë nëse mund të arrijnë të gjuajnë në portë", ka thënë Puente, duke ironizuar me lojën e argjentinasve në finale, ku nuk arritën asnjë gjuajtje në drejtim të portës.

Spanja u bë kampione falë një goli të Ferran Torres në minutën e 106-të. Në minutën e 90+3-të, Enzo Fernandez u përjashtua me karton të kuq. /Telegrafi/ ...