​"Ma vranë babanë para syve", rrëfimi tronditës i 11-vjeçares për Masakrën e Hallaqit të Vogël

Instituti i Krimeve të Kryera gjatë Luftës në Kosovë (IKKL) ditë më parë ka publikuar dëshminë autentike të Nazlije Selim Selimit, e cila ishte vetëm 11 vjeçe kur i mbijetoi Masakrës së Hallaqit të Vogël.

11-vjeçarja në rrëfimin e dhënë pak ditë pasi kishin ndodhur krimet kujton momentet tragjike kur forcat serbe i vranë babanë dhe dhjetëra banorë të tjerë të fshatit.

Sipas IKKL-së, dëshmia e saj përfaqëson kujtesën e vuajtjeve të mijëra civilëve shqiptarë gjatë luftës në Kosovë dhe shërben si thirrje që e vërteta të dokumentohet, të ruhet dhe të mos harrohet.

Instituti thekson se ruajtja e dëshmive të të mbijetuarve ndihmon në dokumentimin e krimeve dhe afron drejtësinë një hap më pranë për viktimat e luftës.

Videoja është publikuar me pëlqimin e shprehur të Nazlije Selim Selimit dhe është pjesë e arkivit të Institutit. Materiali është dhuruar në IKKL nga gazetari norvegjez Paul Refsdal. ...