Shporta minimale për muajin qershor ka qenë mbi 68 mijë denarë

Pavarësisht uljes së vogël krahasuar me muajin paraprak, mjetet e nevojshme për mbulimin e shpenzimeve bazë të jetesës vazhdojnë të mbeten të larta. Sipas përllogaritjes së shportës minimale sindikale, në qershor të vitit 2026 një familje ka pasur nevojë për 68.654 denarë për nevojat bazë mujore. Krahasuar me muajin maj, kur vlera e shportës ishte 68.742 denarë, ka një ulje prej vetëm 88 denarësh.

Pjesën më të madhe të buxhetit familjar edhe këtë muaj e përbëjnë shpenzimet për ushqim dhe pije. Për këtë kategori nevojiten 25.120 denarë, që përbëjnë 36,6 për qind të shpenzimeve totale.

Pasojnë shpenzimet për arsim me 7.192 denarë, për veshmbathje dhe këpucë me 6.511 denarë, si dhe shpenzimet për qira, ujë, energji elektrike dhe ngrohje me 6.379 denarë.

Për familjet që jetojnë në banesë me qira prej 60 metrash katrorë, shporta minimale sindikale është dukshëm më e lartë dhe arrin në 84.024 denarë në muaj. ...