"Д:4 “Хайрханы шинэ эцэс-Цамбагарав” чиглэлийн автобусны замналд энэ сарын 21-нийг дуустал өөрчлөлт оруулсан"

Д:4 Хайрханы шинэ эцэс-Цамбагарав чиглэлийн замналд түр өөрчлөлт оржээ.

Нийтийн Тээврийн Бодлогын Газраас мэдээлснээр Өнөр хороолол буюу 1 дүгээр хорооллын арын авто замыг шинэчлэх ажлын хүрээнд авто замын суурь, хөрс солилт болон өнгө асфальт бетон хучилтын ажлыг гүйцэтгэхтэй холбогдуулан дараах байршилд нэг чиглэлийн авто замын хөдөлгөөнийг түр хугацаагаар хязгаарласан.

Тодруулбал Сонгинохайрхан дүүргийн 12 дугаар хороо, 1-р байрны чанх хойно “Отгон Жолоо” жолооны сургалтын төвийн урд хэсгээс тус дүүргийн 15 дугаар хороо, 23 дугаар байрны эсрэг талд байрлах “Аз” Дэн буудал хүртэлх авто зам юм.

Иймд Д:4 “Хайрханы шинэ эцэс-Цамбагарав” чиглэлийн нийтийн тээврийн автобус доорх зураглалын дагуу долоодугаар сарын 21-ний өдрийн 23:00 цаг хүртэл зорчино. ...