Экспорт өмнөх оны мөн үеэс 58 хувиар өслөө

Монгол Улс 2026 оны эхний хагас жилд нийт 150 улстай худалдаа хийж, гадаад худалдааны нийт бараа эргэлт 16.5 тэрбум ам.долларт хүрсэн байна. Үүнээс экспорт 10.4 тэрбум ам.доллар, импорт 6.1 тэрбум ам.доллар болж, тэнцэл 4.3 тэрбум ам.долларын ашигтай гарсан талаар Үндэсний статистикийн хорооноос мэдээллээ. 

Нийт бараа эргэлтийн хэмжээ өмнөх оны мөн үеэс 4.4 (36.3%) тэрбум ам.доллар, экспорт 3.8 (57.9%) тэрбум ам.доллар, импорт 588.1 (10.6%) сая ам.доллар, тэнцэл 3.2 (4.1 дахин) тэрбум ам.доллароор тус тус өссөн байна. 

Манай улс БНХАУ-тай энэ оны эхний хагас жилийн байдлаар 12.2 тэрбум ам.долларын худалдааг хийсэн нь гадаад худалдааны нийт бараа эргэлтийн 73.9 хувийг дангаараа бүрдүүлж байгаа аж. 

Экспорт 2026 оны эхний хагас жилд өмнөх оны мөн үеэс 3.8 тэрбум ам.доллароор өсөхөд:

зэсийн хүдэр ба баяжмал 2.3 тэрбум ам.доллар,

нүүрс 1.4 тэрбум ам.доллар,

самнасан ноолуур 54.1 сая ам.доллар,

хар тугалгын хүдэр, баяжмал 39.5 сая ам.доллар,

боловсруулаагүй буюу хагас боловсруулсан алт 37.6 сая ам.доллароор тус тус өссөн нь голлон нөлөөлжээ.

Харин тунгаасан зэс ба хайлш 35.9 сая ам.доллар, молибдений хүдэр ба баяжмал 7.9 сая ам.доллар, адууны мах 4.4 сая ам.доллар, богийн өлөн гэдэс 3.2 сая ам.доллароор тус тус буурсан байна.

ҮСХ

Импорт өмнөх оны мөн үеэс 588.1 сая ам.доллароор өсөхөд: 

дизелийн түлш 298.8 сая ам.доллар,

автобензин 78.8 сая ам.доллар,

шинэ дугуй 35.1 сая ам.доллар,

хар төмөр бүтэц, эд анги 31.8 сая ам.доллароор тус тус өссөн нь голлон нөлөөлжээ 

Харин суудлын автомашин 160.0 сая ам.доллар, ачааны автомашин 68.4 сая ам.доллар, ухаалаг гар утас 17.1 сая ам.доллароор тус тус буурсан байна.

ҮСХ ...