"Nuk doja as lidhje, as fëmijë" - Rio Ferdinand tregon si Kate i ndryshoi jetën

Rio Ferdinand ka rrëfyer se kur njohu bashkëshorten e tij, Kate Ferdinand, nuk kishte ndërmend të niste një lidhje të re, e aq më pak të kishte fëmijë të tjerë.

Ish-futbollisti anglez, 47 vjeç, tha se pas humbjes së gruas së tij të parë, Rebecca, me të cilën kishte tre fëmijë, mendonte se familja e tij ishte e plotë.

Në episodin më të fundit të podcast-it "Blended", Rio tregoi se fillimisht nuk donte më fëmijë, por ndryshoi mendim sepse ishte dashuruar me Katen dhe e kuptoi se ajo dëshironte të bëhej nënë.

View this post on Instagram

A post shared by Blended (@blended)

Ai tha se vendimi erdhi edhe nga përkushtimi i saj ndaj tij dhe tre fëmijëve të tij, duke shtuar se sot nuk do ta ndryshonte kurrë atë zgjedhje.

Çifti është prindër të dy fëmijëve, Cree dhe Shae, ndërsa Kate është gjithashtu njerkë për tre fëmijët e Rios nga martesa e parë.

Gjatë bisedës, Rio foli me humor edhe për periudhën e shtatzënive të Kate, duke thënë se ajo "bëhej një person tjetër", derisa Kate pranoi se nuk i pëlqente të ishte shtatzënë, pasi ndjente se nuk e njihte më veten.

Së fundmi, çifti u ribashkua pas gjashtë javësh ndarje, pasi Rio ishte në ShBA për angazhime profesionale gjatë Kupës së Botës.

View this post on Instagram

A post shared by Kate Ferdinand (@xkateferdinand)

Kate ndau në rrjetet sociale momentin emocional të kthimit të tij në shtëpi, ku fëmijët e pritën me përqafime.

Rio dhe Kate nisën lidhjen në vitin 2017, dy vite pas vdekjes së bashkëshortes së parë të futbollistit.

View this post on Instagram

A post shared by Kate Ferdinand (@xkateferdinand)

Ata u martuan në vitin 2019 dhe shpesh kanë folur publikisht për sfidat dhe përvojën e ndërtimit të një familjeje të përzier. /Telegrafi/ ...